កាពិបុក

គ្រឿងផ្សំ ៖
បង្គា​ក្រៀម ខ្ទឹមស ម្ទេស​ដៃ​នាង (កិន​ចូល​គ្នា)
កាពិ (១-២ សប) ឬ តិច​ច្រើន​តាម​ចូល​ចិត្ត
ត្រប់​ពុតលំញង (ដំ​ឲ្យ​បែក តែ​កុំ​ឲ្យ​ខ្ទេច)
ក្រូចឆ្មារ
ម្សៅ​ស៊ុប​ខ្នរ
ស្ករស
ស្អំ និង ត្រប់​វែង​ចិត​ជា​ចំណិត​ចៀន​ជាមួយ​ពង​មាន់ (ស្អំ​ចៀន​កាត់​ជា ៤ ជ្រុង) ។
ទឹក​ក្ដៅ
បន្លែ ៖ ស្ពៃស ផ្កា​ខាត់ណា ត្រកួន សណ្ដែកកួរ (ស្រុស) ត្រប់​ស្រួយ និង ត្រសក់ ។

វិធី​ធ្វើ ៖
យក​គ្រឿង​ដែល​កិន​រួច មក​លាយ​ជា​មួយ​កាពិ​ក្រូចឆ្មារ និង ទឹក​ក្ដៅ​បន្តិច រួច​ដាក់​ត្រប់​ពុត​លំញង​ដំ​ចូល ។
ត្រប់​វែង ហាន់​ជា​បន្ទះ​ៗ ជ្រលក់​ពង​ទា​ចៀន និង ស្អំ​លាយ​ពង​ទា​ចៀន​ហើយ​កាត់​រាង ៤ ជ្រុង ។ ត្រកួន សណ្ដែកកួរ ស្រុស ។
ប្រើ​បន្លែ​ទាំងអស់ សម្រាប់​តុបតែង​ចាន ជា​ការ​ស្រេច ។